Reise og overnatting

Buss frå store delar av landet

Det er daglege bussavgangar frå mellom anna Oslo, Bergen og Sogndal som stoppar i Vik, Modalen, Nordeide og Voss. Lokalbussar kan ta deg vidare til mange fine startpunkt for turar inn i Stølsheimen.

Vybuss.no

Nor-Way bussekspress

Entur.no

Snøggbåt frå Bergen

Om sommaren er det mogleg å ta snøggbåt frå Bergen til Nordeide og Vik.

Norled.no

Båt frå Nordeide til Ortnevik og Vik

Mellom Nordeide og Vik går det båtrute som stoppar i Ortnevik og ved fleire av dei veglause grendene på sørsida av Sognefjorden. Då kan du hoppe av på dei veglause grendene på sørsida av Sognefjorden. Denne båten går ikkje kvar dag så du bør planleggje ein tur over fleire dagar.

fjord1.no

Ortnevik – Nordeide

Køyre bil

For å kome til startpunkt for turar inn i Stølsheimen er det enklast med eigen bil. Det er mange vegar å ta for å koma til området.

Frå Bergen

Kjem du frå Bergen kan du ta av frå E16 på Dale og køyra mot Eksingedalen og Modalen, eller du kan ta av frå E39 i Romarheimsdalen for å kome til Modalen. Vidare på E16 kjem du til Voss og Vinje. På Vinje kan du ta vegen over Vikafjellet på riksveg 13 og kome til Vik og Arnafjorden.

Skal du til Ortnevik kan du ta av frå E16 i Oppedal og køyre langs fjorden på fylkesveg 5586 eller ta av på Matre og køyre fylkesveg 5442 over fjellet og kome ned att til fjorden til fylkesveg 5586.

Frå Oslo

Frå Oslo kan du køyre riksveg 50, fjellovergangen Hol-Aurland eller over Hardangervidda på riksveg 7. Då kjem du til Voss og Vinje og kan velje å køyre vidare til Vik eller Modalen.