Skal du på skitur i Stølsheimen er det også veldig viktig å ta omsyn til villrein. Heile dette området er del av Fjellheimen villreinområde. Reinen er ekstra sårbar på seinvinteren når det er lite mat å finne. Vis omsyn til villrein, og hald god avstand til dyra. Viss dei stadig blir skremt av folk på ski brukar dei masse energi på å flykte og får mindre tid til å beite. Stadige forstyrringar kan gjere at dei forlèt området og slik mistar viktige beiteareal. Dersom du høyrer om rein i området der du tenkjer å gå tur, bør du velje ei anna rute.
Trygg vinterferdsel
Her er nokre tips for å sørge for at du får ein trygg tur.
- Vel tur etter form, skiferdigheit og motivasjon. Hugs at ei gruppe ikkje er sterkare enn det svakaste leddet.
- Planlegg turen godt, og sei frå kor du går.
- Veret i vinterfjellet kan skifte brått frå sol til snøstorm. Ha alltid med ekstra klede og tryggleiksutstyr. Sjekk gjerne DNT sine pakkeliste for topptur og hytte til hytte tur.
- Sjekk snøskredvarselet før du drar på varsom.no.
- Unngå terreng brattare enn 30 grader. Der er snøskredfaren størst. Skal du på tur i ukjent terreng så sjekk brattheitskartet før du drar.
- Følg alltid fjellvettreglane
Sporlaus ferdsel
Rydd opp etter deg og ta med alt avfall, inkludert eingongsgrill og våtserviettar.
Der det ikkje finst toalett, grav eit hol minst 30 m frå sti, bygg eller vasskjelde. Dopapir og våtserviettar er søppel som skal kastast i søppeldunken.
Vis omsyn til beitedyr og ville dyr. Hald hunden i band og let att grindene.
Følg etablerte stiar, så slepp villrein og andre sky dyr å møte folk overalt.
Dersom du får høyre om rein i området – vel ein annan tur.
Stopp og trekk unna viss du ser villrein. Observer dei på god avstand